Aytən Şıxaliyeva

Aytən Şıxaliyeva bakalavr təhsilini Bakı Dövlət Universitetində “Tarix”, magistr təhsilini isə “Regionşünaslıq/Amerikaşünaslıq” ixtisasları üzrə alıb. Hal-hazırda İstanbul Dövlət Universitetində “İnsan resurslarının idarə edilməsi” ixtisası üzrə ikinci magistr təhsilini davam etdirir.

Əmək fəaliyyətinə 2005-ci ildə Azərbaycan Milli Elmlər Akademiyasında mütəxəssis vəzifəsində çalışaraq başlayıb. 2007-ci ildən 2011-ci ilə qədər Bakı şəhəri Təcili və Təxirəsalınmaz Tibbi Yardım Stansiyasında kadrlar üzrə mütəxəssis vəzifələrində çalışıb. 2014-cü ildən indiyədək Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində olan İnnovasiyalar Mərkəzində İnsan resursları şöbəsinin və Təlim şöbəsinin müdiri olaraq fəaliyyət göstərir.

Bölgələrdə yaşayan yeniyetmə və gənclərin inkişafı məqsədilə yaradılmış “BİG” – Bizim İnnovativ Günümüz təlim layihəsinin və “asanlearning.az” online təlim layihələrinin  rəhbəri kimi çalışıb.

İnsan resurslarının idarə edilməsi sahələrində Azərbaycanda, Çin Xalq Respublikasında,  Türkiyədə keçirilən bir çox təlim və kurslarda iştirak edib. Eyni zamanda 2021-ci ildən Peşəkar Kouç kimi fəaliyyət göstərir və Beynəlxalq Kouçlar Federasiyası tərəfindən  Beynalxalq Kouç sertifikatına layiq görülmüşdür.