Fuad Qəşəmov

1986-ci ildə Bakı şəhərində anadan olub. 2008-ci ildə Qafqaz Universistetində “Beynəlxalq hüquq” ixtisası üzrə bakalavr təhsilini bitirib. 2011-ci ildə isə Bakı Dövlət Universistetində “Beynəlxalq hüquq” ixtisası üzrə magistr təhsilini bitirib. Hal-hazırda isə Böyük Britaniyanın Aberden Universitetində “Mübahisələrin həlli üzrə” magistratura təhsilini davam etdirir.

 

Əmək fəaliyyətində 2011-2012-ci illərdə “AZER-TÜRK BANK” ASC hüquqşünas olaraq başlayıb. 2012-2013-cü illərdə  RETA COMMERCE INVESTMENT CONSULTING-də baş hüquqşünas vəzifəsində fəaliyyət göstərib. 2013-cu ildən 2021-ci ilə qədər EKVITA şirkətində mübahisələrin həlli praktikasının rəhbəri vəzifəsində çalışıb. 2021-ci ildən etibarədən “LEGALIZE” hüquq şirkətini təsis edib. 25 avqust 2014-cü ildən etibarən Azərbaycan Respublikasının Vəkillər Kollegiyasının üzvüdür.

 

Bundan başqa, o peşəkar fəaliyyəti dövründə müxtəlif xarici və beynəlxalq şirkətlərə məsləhət xidmətləri verib və onları uğurla təmsil edib:

Global 500 reytinqinə daxil olan Koreya şirkətinə London Beynəlxalq Arbitraj Məhkəməsinin qərarının Azərbaycanda tanınması və icrası ilə bağlı məsləhət vermişdir;

Böyük Britaniya şirkətini mürəkkəb daşınmaz əmlak mübahisəsi ilə bağlı Azərbaycan məhkəmələrində (bütün instansiyalarda) uğurla təmsil etmişdir (iddia məbləği 2 milyon ABŞ dollarından çox olmuşdur);

ABŞ şirkətini mürəkkəb müqavilə və daşınmaz əmlak mübahisəsi ilə bağlı təmsil etmişdir (iddia məbləği 20 milyon ABŞ dollarından çox olmuşdur);

ABŞ-ın neft qaz şirkətini müxtəlif əmək və kommersiya mübahisələrində uğurla təmsil etmişdir;

Böyük Britaniyanın gəmiçilik şirkətini əmək mübahisəsində uğurla təmsil etmişdir;

Müxtəlif xarici şirkətləri Vergi Cinayətlərinin İbtidai Araşdırılması Departamentində təmsil etmişdir;

Koreya şirkətinin 107 milyon ABŞ dollar dəyərində olan tikinti layihəsinə tam hüquqi dəstək göstərmişdir;

Böyük Britaniya investisiyalı şirkəti kredit və daşınmaz əmlak mübahisəsində təmsil etmişdir (iddia məbləği 130 milyon manatdan çox olmuşdur);

AmCham Azərbaycan tərəfindən həyata keçirilən “Ağ Sənəd” layihəsinin hazırlanmasında iştirak etmişdir;

Böyük Britaniyanın hüquq şirkətinə Azərbaycan hüququnun tətbiqi və şahidlərin hazırlanması ilə bağlı defamasiya mübahisəsində dəstək göstərmişdir;

London Beynəlxalq Arbitraj Məhkəməsində dəyəri 100 milyon dollarla ölçülən və regionun ən böyük gəmiçilik şirkəti ilə dövlət şirkəti arasındakı mübahisədə Azərbaycan hüququnun tətbiqi ilə bağlı ekspert qismində iştirak etmişdir;

İstanbul Arbitraj Mərkəzində (İSTAC) tərəfin təyin etdiyi arbitr qismində iştirak etmişdir (mübahisə məbləği 30 milyon ABŞ dollarından çox olmuşdur);

Çin şirkətini məbləği 5 milyon dollardan artıq olan mübahisədə təmsil etmişdir;

Yerli qazma şirkətini dəyəri 20 milyon manatdan artıq olan mübahisədə təmsil etmişdir;

Rusiyanın və Ukraynanın qənnadı istehsalı ilə məşğul olan böyük şirkətlərini mürəkkəb əqli mülkiyyət mübahisələrində təmsil etmişdir (20-dən artıq əmtəə nişanı);

İtalyan şirkətini kommersiya mübahisəsində təmsil etmişdir;

 

Həmçinin o, Amerika Vəkillər Assosiyası/ Mərkəzi Avropa və Asiya Hüquq Təşəbbüsü tərəfindən həyata keçirilən “Canlı hüquq”, “Kommersiya hüququ üzrə ingilis dili”, “Məhkəmələrdə vəkillik bacarıqları”, “Qiymətli kağızlar hüququ: İqtisadi əsasları, qanunvericilik və beynəlxalq təcrübə”, “Beynəlxalq ticarət (Inkoterms)” təlimlərində iştirak edib. 2020-ci ildə İSO 37001 Əsas Bələdçi sertifikatına malikdir.