Şəbnəm Səfərova

Ağdam şəhərində anadan olmuşdur. Bakalavr təhsilini Azərbaycan Dövlət İqtisad Universitetinin (indiki UNEC) “Beynəlxalq İqtisadi Münasibətlər” fakultəsində, Xüsusi İstedadlar qrupunda almışdır. ADA universitetində “MBA – Biznesin İdarə Edilməsi” üzrə magistr dərəcəsini bitirmişdir. “Layihələrin idarə olunması” üzrə ABŞ-ın Kaliforniya Universiteti, İrvine Məktəbində sertifikasiya proqramı keçmişdir.

Əmək fəaliyyətinə 2008-ci ildə AR Xarici İşlər Nazirliyinin “İqtisadi əməkdaşlıq və inkişaf” şöbəsində başlamışdır. 2010-2012ci illərdə dünyanın 4 böyük audit şirkətindən (Big 4) biri olan PriceWaterhouseCoopersdə (PwC) auditor kimi çalışmışdır. 2012-2018-ci illərdə BP neft şirkətində “Maliyyə məsələləri üzrə analitik” vəzifəsində işləmişdir. 2020-ci ilin əvvəlinədək MedCmG (Medical Consulting & Marketing Group) şirkətinin direktoru olaraq çalışmışdır. Hazırda Bakı Dövlət Universitetində təhsilin rəqəmsallaşdırılması üzrə həyata keçirilən, ABŞ-a məxsus olan “Blackboard SaaS” layihəsinin rəhbəridir.

Korporativ fəaliyyətlə yanaşı 2013-cü ildən başlayaraq fərdi sahibkarlıq fəaliyyətilə məşğuldur.

2018-ci ildən başlayaraq ölkə universitetlərinin ingilisdilli fakultələrində müqaviləli-müəllim kimi fəaliyyət göstərir.