Namiq Bayramov

Namiq Bayramov 1980-ci ildə Bakı şəhərində anadan olub. 2001-ci ildə Azərbaycan Dövlət İqtisad Universitetində (indiki UNEC) Marketinq ixtisası üzrə bakalavr dərəcəsi alıb. 2003-cü ildə Marketinq ixtisası üzrə magistr dərəcəsi əldə edib.2010-cu ildə İstanbul şəhərində Europen School of Economics-in Beynəlxalq Marketinq Sertifikatını alıb.Hal-hazırda isə Lənkəran Dövlət Universitetinin doktorantıdır.

 

Əmək fəaliyyətinə 2004-cü ildən etibarən Nurgun Holdingdə satış meneceri olaraq başlayıb. 2005-ci ildən etibarən Vitam Advertising Agency, Maxmedia Advertising Agency kimi reklam agentliklərində çalışıb. 2011-ci ildə tanınmış dizayner Azər Nəcəfovla birlikdə hazırda ölkənin ən tanınan reklam agentliklərindən biri olan “Yello Advertising”-i qurub.

 

2015-2016-cı illərdə UNEC-də pedaqoji fəaliyyətə başlayıb. “Marketinq Menecement”, “Beynəlxalq Marketinq” fənnlərini tədris edib. 2019-cu ildən etibarən pedaqoji fəaliyyətini Lənkəran Dövlət Universitetində davam etdirir. “Marketinq Menecement”, “İstehlakı Davranışının İdarə Edilməsi”, “Marketinq Kommunikasiyaları”, “Reklamın Planlaşdırılması və İdarə Edilməsi”, “Xidmət Sahələrinin Marketinqi”, “Marketinq Tədqiqatları” və s. fənləri tədris edir.

 

2020-ci ilin əvvəlindən etibarən biznes təlimləri üzrə ölkənin ən tanınmış mərkəzlərindən biri olan SAT Group-la əməkdaşlığa başlayıb. Hazırda orda “Marketinq”, “Brendinq”, “Marketinq Strategiyaları”, “Marketinq Kommunikasiyaları” istiqamətləri üzrə təlim verir. Eyni zamanda mentorluq fəaliyyəti ilə də məşğuldur.

 

Marketinq sektorunda aktiv fəaliyyət göstərir. Müxtəlif marketinq qruplarında və alyanslarında təmsil olunur. Marketinq Peşəkarları Birliyinin yaradıcılarından biri və İdarə Heyətinin Sədridir. 2015-ci ildən etibarən marketinq üzrə bloqerlik fəaliyyəti ilə də məşğuldur.