Xəbərlər

Şamaxı-İsmayıllı KOBİM tərəfindən "Effektiv idarəetmə" mövzusunda təlim keçirilib

Oktyabrın 26-da Şamaxı-İsmayıllı KOB İnkişaf Mərkəzi (#KOBİM) tərəfindən sahibkarlar və biznesə başlamaq istəyən şəxslər üçün "Effektiv idarəetmə" mövzusunda təlim keçirilib.

Təlimdə Şamaxı-İsmayıllı KOBİM-in eksperti tərəfindən idarəetmə anlayışı, korporativ idarəetmənin əhəmiyyəti, prinsipləri, bu sahədə standartlar və beynəlxalq təcrübə barədə ətraflı məlumat əldə edib. 32 sahibkarın və biznesə başlamaq istəyənlərin iştirak etdiyi təlimdə mövzu üzrə fikir mübadiləsi aparılıb və suallar ətraflı şəkildə cavablandırılıb.

Şamaxı-İsmayıllı KOBİM-in xidmətlərindən faydalanmaq istəyənlər (+99451) 215 79 48 nömrəsi ilə əlaqə saxlaya və ya Şamaxı şəhərində Heydər Əliyev prospekti 48-də yerləşən Mərkəzin ofisinə müraciət edə bilərlər.

Şamaxı-İsmayıllı KOBİM tərəfindən göstərilən bütün xidmətlər ödənişsizdir.