Xəbərlər

Şamaxı-İsmayıllı KOBİM tərəfindən heyvandarlıq sahəsində fəaliyyət göstərən sahibkarlara məsləhət xidməti göstərilib

Dekabr 10-11-də Şamaxı-İsmayıllı KOB İnkişaf Mərkəzi (#KOBİM) tərəfindən İsmayıllı rayonunda heyvandarlıq sahəsində fəaliyyət göstərən sahibkarlara məsləhət xidməti göstərilib.

Şamaxı-İsmayıllı KOBİM-in peşəkar eksperti tərəfindən heyvandarlıq sahəsində fəaliyyət göstərən sahibkarların fermalarına baxış keçirilib. Nəticədə sahibkarlara damazlıq təsərrüfatları, otlaqlar, heyvan cinsləri, xaricdən idxal və xəstəliklərə qarşı mübarizə yolları barədə ətraflı məlumat verilib. Sahibkarları narahat edən suallar cavablandırılıb.

Qeyd edək ki, Şamaxı-İsmayıllı KOBİM-in xidmətlərindən faydalanmaq üçün (+994 51) 215 79 48 nömrəsi ilə əlaqə saxlaya və ya Şamaxı şəhəri Heydər Əliyev prospekti 48-də yerləşən ofisə müraciət edə bilərsiniz.

Şamaxı-KOBİM tərəfindən göstərilən bütün xidmətlər ödənişsizdir.