Xəbərlər

Şamaxı-İsmayıllı KOBİM tərəfindən sahibkarlarla görüş keçirilib

Sentyabrın 27-28-də Şamaxı-İsmayıllı KOB İnkişaf Mərkəzi (#KOBİM) tərəfindən Şamaxıda fəaliyyət göstərən sahibkarlar ilə görüş təşkil olunub.

Bərbərxana, dərzi, kosmetika məhsullarının satışı kimi sahələrdə fəaliyyət göstərən sahibkarlarla keçirilən görüşdə Şamaxı-İsmayıllı KOBİM-in fəaliyyəti və sahibkarlara göstərilən dəstək mexanizmləri barədə ətraflı məlumat verilib.

Həmçinin sahibkarların ehtiyaclarının qiymətləndirilməsi məqsədilə onlar ilə sorğu həyata keçirilib. Növbəti mərhələdə Şamaxı-İsmayıllı KOBİM-in təlimçi-ekpertləri tərəfindən müxtəlf mözularda təlim və məsləhət xidmətlərinin görülməsi planlaşdırılıb.

Məlumat üçün bildiririk ki, Şamaxı-İsmayıllı KOBİM tərəfindən regionda fəaliyyət göstərən sahibkarların və öz biznesini qurmaq istəyən şəxslərin məlumatlandırılması və ehtiyaclarının müəyyən edilməsi məqsədilə belə görüşlər mütəmadi olaraq davam etdiriləcəkdir.

Şamaxı-İsmayıllı KOBİM-in xidmətlərindən faydalanmaq istəyənlər (+994) 51 215 79 48 nömrəsi ilə əlaqə saxlaya və ya Şamaxı şəhərində Heydər Əliyev prospekti 48-də yerləşən Mərkəzin ofisinə müraciət edə bilərlər.