• İş saatları 09:00 - 18:00

    Bazar ertəsi - Cümə

  • Şamaxı, Azərbaycan

Xəbərlər

Şamaxı-İsmayıllı KOBİM tərəfindən "Satışın idarə edilməsi" mövzusunda təlim keçirilib

Noyabrın 21-də Şamaxı-İsmayıllı KOB İnkişaf Mərkəzi (#KOBİM) tərəfindən sahibkarlar və biznesə başlamaq istəyən şəxslər üçün "Satışın idarə edilməsi" mövzusunda təlim keçirilib.

Təlimdə Şamaxı-İsmayıllı KOBİM-in eksperti tərəfindən məhsulun dəyərinin formalaşdırılması üsulları, rəqabət üstünlükləri, müştəri etirazları ilə işləmə yolları, effektiv təqdimatın 10.10.10 qaydası, potensial müştərilər ilə peşəkar münasibətin qurulması üsulları barədə ətraflı məlumat verilib. 17 sahibkarın və biznesə başlamaq istəyənlərin iştirak etdiyi təlimdə mövzu üzrə fikir mübadiləsi aparılıb və suallar ətraflı şəkildə cavablandırılıb. Mövzunun daha yaxşı mənimsənilməsi üçün iştirakçılar ilə müxtəlif praktiki tapşırıqlar həyata keçirilib. Təlimin sonunda iştirakçılara sertifikat təqdim edilib.

Şamaxı-İsmayıllı KOBİM-in xidmətlərindən faydalanmaq istəyənlər (+994) 51 215 79 48 nömrəsi ilə əlaqə saxlaya və ya Şamaxı şəhərində Heydər Əliyev prospekti 48-də yerləşən Mərkəzin ofisinə müraciət edə bilərlər.

Şamaxı-İsmayıllı KOBİM tərəfindən göstərilən bütün xidmətlər ödənişsizdir.

Xəbərlər

Şamaxı-İsmayıllı #KOB İnkişaf Mərkəzi (KOBİM) “İntellektual ...

Şamaxı-İsmayıllı #KOB İnkişaf Mərkəzi (KOBİM) “İntellektual klubların Gənclər liqası”na ev sahibliyi ...

.

Xəbərlər

Şamaxı-İsmayıllı #KOB İnkişaf Mərkəzinə (#KOBİM) müraciət ...

Şamaxı-İsmayıllı #KOB İnkişaf Mərkəzinə (#KOBİM) müraciət edən sahibkarlara #aprel ayı ərzində məsləhət ...

.