Xəbərlər

Şamaxıda fəaliyyət göstərən sahibkarlar ilə görüş keçirilib

Avqustun 25-də Şamaxı-ismayıllı KOB İnkişaf Mərkəzi (#KOBİM) tərəfindən Şamaxıda fəaliyyət göstərən sahibkarlar ilə görüş təşkil olunub. Müxtəlif sahələrdə fəaliyyət göstərən sahibkarlarla görüşdə KOB İnkişaf Mərkəzinin fəaliyyəti və sahibkarlara göstərilən dəstək mexanizmləri barədə ətraflı məlumat verilib.

Həmçinin sahibkarların ehtiyaclarının qiymətləndirilməsi məqsədilə onlar ilə sorğu həyata keçirilib. Görüşün nəticəsi olaraq, növbəti mərhələdə Şamaxı-İsmayıllı KOB İnkişaf Mərkəzinin təlimçi-ekpertləri tərəfindən müxtəlf mözularda təlim və məsləhət xidmətlərinin görülməsi planlaşdırılıb.

KOB İnkişaf Mərkəzi barədə regionda fəaliyyət göstərən sahibkarların və öz biznesini qurmaq istəyən şəxslərin məlumatlandırılması və ehtiyaclarının müəyyən edilməsi məqsədilə belə görüşlər davam etdiriləcəkdir.

Şamaxı-İsmayıllı KOB İnkişaf Mərkəzinin xidmətlərindən faydalanmaq istəyən KOB-lar (+994) 51 215 79 48 nömrəsi ilə əlaqə saxlaya və ya Şamaxı şəhərində Heydər Əliyev prospekti 48-də yerləşən Şamaxı-İsmayıllı KOB İnkişaf Mərkəzinin ofisinə müraciət edə bilərlər.